Qyrǵyz elinde shaǵyn 14 GES salynady
ASTANA. QazAqparat - Qyrǵyz Respýblıkasynyń Memlekettik ónerkásip, energetıka jáne jer qoınaýyn paıdalaný komıteti shaǵyn 14 GES qurylysyna tender jarııalady. Bul týraly 24.kg habarlady.
Tenderge Qyrǵyzstannyń jáne shet eldiń zańdy tulǵalary qatysa alady. Jeńiske jetken shet eldiń ınvestory Qyrǵyz aýmaǵynda tirkelgen enshiles uıymyn qurýy mindettelgen.
Respýblıkada qýaty 3-ten 20 MVt-ǵa deıin 14 shaǵyn stansa salý josparlanyp otyr.
Jobany iske asyrýshy qurylys jumystaryn júrgizý kezinde qyrǵyzstandyq mamandarǵa kóbirek senim bildirýi qajet, sondaı-aq materıaldar men ónimderdi jáne qyzmetterdi respýblıkadan satyp alýy tıis. Tek Qyrǵyzstanda jasalmaıtyn nemese basqa elderge qaraǵanda qymbatqa túsetin taýarlardy ǵana jetkizýge ruqsat berilgen.
