Qyrǵyz elimen taýar aınalymy 126 mln dollardan asty
NUR-SULTAN. QazAqparat - Qazaqstan men Qyrǵyzstan arasyndaǵy taýar aınalymy bıylǵy qańtar-aqpanda 126,3 mln dollardy qurady, bul ótken jyldyń uqsas kezeńimen salystyrǵanda 6,8%-ǵa joǵary, dep habarlaıdy QazAqparat.
Saýda jáne ıntegratsııa mınıstrligi baspasóz qyzmetiniń málimetinshe, alǵashqy eki aıda elimizden Qyrǵyzstanǵa eksport 14,2 % - ǵa tómendep, 72,6 mln dollar bolǵan.
«Qyrǵyzstanǵa eksporttyń qysqarýy tabıǵı gaz jetkiziliminiń 84,7%-ǵa nemese 12 mln dollarǵa tómendeýimen negizdeledi. Sonymen qatar, óńdelmegen nemese jartylaı óńdelgen altyn jetkizilimderiniń ósýi baıqalady. Onda jóneltilimderdiń negizgi taýarlary - temeki ónimderi», - delingen habarlamada.
Budan basqa, esepti kezeńde Qyrǵyzstannan Qazaqstanǵa ımport 59,6%-ǵa ósip, 53,7 mln dollarǵa jetti. Muny munaı ónimderin ákelýdiń ulǵaıýymen túsindirýge bolady. Sondaı-aq baǵaly metaldardyń keni men kontsentrattardyń jetkizilimderindeósim bar.
