Qyrǵyz eli DSU-ǵa kirgen sharttary boıynsha Keden odaǵyna kire almaıdy - B. Jámishev
aýsymnyń 10-y. QazAqparat /Qanat Mámetqazyuly/ - Qyrǵyz eli DSU-ǵa kirgen sharttary boıynsha Keden odaǵyna kire almaıdy. Búgin QR Parlamenti Senatynyń jalpy otyrysynda Keden odaǵyna qatysty zań jobalar toptamasyn talqylaý barysynda Qarjy mınıstri Bolat Jámishev osylaı málim etti.
«Keden odaǵyna enýi úshin qandaı sharttardy jasaý jáne ne isteý kerektigin qyrǵyzdardyń ózderi sheshýi tıis. Sonymen birge, qyrǵyz elinde ımporttyq bajdar tómen bolǵandyqtan, Qytaı arqyly keletin arzan taýarlardyń Qazaqstandy basyp qalýy múmkin degen máseleler de aıtylady. Degenmen, buǵan esh negiz joq. Ondaı taýarmen kómkerip tastaýdyń bir ǵana joly bar - eger bul taýarlar Qazaqstan arqyly tranzıtpen qyrǵyz eline baratyn bolsa, al ol jaqtan kontrabandalyq jolmen keletin bolsa ǵana. Eger bul taýarlar zańdy jolmen qaıtadan Qazaqstanǵa ótetin bolsa, onda belgilengen joǵary bajdardy tóleýge mindetti», dedi mınıstr.
Sonymen birge, Qarjy mınıstri Keden odaǵy aıasynda kontrabandamen kúres máselesiniń de ózekti bolyp otyrǵanyn atap ótti. Onyń aıtýynsha, ońtústiktegi shekarany kúsheıtý arqyly kontrabandalyq saýdany boldyrmaý sharalary qolǵa alynýda. «Kontrabanda kez kelgen el ekonomıkasyna eleýli zalalyn tıgizedi. Bizdiń bul turǵydaǵy maqsatymyz - onyń aldyn alý joldaryn jetildire otyryp, shekarany nyǵaıtý», dedi B. Jámishev.
