Qyrǵyz depýtatyn qamaý merzimi 8 aıǵa sozyldy
ALMATY. QazAqparat - Almaty soty Qyrǵyz Jogorký Keneshiniń depýtaty Damırbek Asylbekulyn qamaý merzimin 8 aıǵa sozý týraly sheshim shyǵardy.
Bul týraly QazAqparat tilshisine qalalyq sottyń baspasóz hatshysy habarlady.
Baspasóz hatshysy Dıas Mahambetovtyń aıtýynsha, Damırbek Asylbekulynyń qamaýda ustaý merzimin taǵy eki aıǵa uzartý týraly ótinish tergeý komıtetinen túsken.
«Tergeý komıteti Damırbek Asylbekulyn bultartpaý sharasyn qylmystyq is materıaldarymen tanysý kezeńinde 15 tamyzǵa deıin uzartý týraly ótinish túsirdi. Sot bul ótinishti qanaǵattandyrý týraly sheshim qabyldady. Kúdiktini bultartpaý sharasy 15 qazanǵa deıin uzartyldy. Qaýly 9 tamyzda shyǵaryldy», - dedi Dıas Mahambetov.
Eske salaıyq, aǵymdaǵy jyldyń aqpan aıynda ońtústiktegi 3 oblys pen Almaty qalasynda júrgizilgen arnaıy operatsııa barysynda 35 adam ustaldy. Olardyń arasynda keden organynyń, shekara qyzmetiniń laýazymdy tulǵalary, brokerler, deldaldar, sondaı-aq uıymdasqan qylmystyq top músheleri bar. Arasyndaǵy úsheýi Qyrǵyzstan azamaty. Onyń biri - Qyrǵyzstannyń Jogorký Keneshiniń depýtaty Damırbek Asylbek.
