Qyrǵyz depýtaty: Áýlıe Valentın kúni - shaıtannyń merekesi
ASTANA. QazAqparat - Qyrǵyzstan Joǵarǵy Keńesiniń depýtaty Tursunbaı Bákir ýýlý áýlıe Valentın kúnin shaıtannyń merekesi ekenin aıtty, dep habarlaıdy kyrtag.kg.
«Áýlıe Valentın kúni - ol jyn-shaıtannyń merekesi. Sondyqtan oǵan tyıym salý kerek», -dedi depýtat parlament otyrysynda.
Onyń aıtýynsha, atalǵan «mereke» qyrǵyzdardyń mentalıtetine qarsy keledi jáne jastardyń teris jolǵa túsýine yqpalyn tıgizip otyr.
«Búgin bul «merekeni» mektep oqýshylarynyń ózi atap ótýdi dástúrge aınaldyrǵan. Bul ne degen sumdyq?!» - dedi ol.
