Qyrǵyz depýtattary orys tilinen bas tartpaq
ASTANA. Qyrkúıektiń 17-si. QazAqparat - Qyrǵyzstan Parlamentiniń depýtaty Beıshenbek Abdyrasaqov úsh aı boıy barlyq keńesterdi tek qyrǵyz tilinde ótkizýdi usynýda.
Bul týraly depýtat búgin, qyrkúıektiń 17-sinde, Qyrǵyz Respýblıkasy Jogorký Keneshiniń májilisinde málim etti, dep habarlaıdy "24.kg" aqparattyq agenttigi.
Depýtattyń aıtýynsha, búginde respýblıka memlekettik tildiń 20 jyldyǵyn toılaýǵa belsendi daıyndalýda. «Bul sharalarǵa Parlament te óz úlesin qosýy kerek», deıdi Beıshenbek Abdyrasaqov.
Oǵan qosa, depýtat barlyq jarnamany qyrǵyz tiline aýdarý qajettiligin atap kórsetýde. «Búginde mektepterge qyrǵyz tilindegi oqýlyqtardyń jetispeýshiligi 61 paıyzdy quraıtynyn aıta ketý kerek. Osy olqylyqtyń ornyn toltyrýǵa 600 mıllıon soma qajet», deıdi depýtat B. Abdyrasaqov.
