Qyrǵyz bıligi nelikten TikTok-qa tyıym salyp jatqanyn túsindirdi

ASTANA.QazAqparat - Qyrǵyzstannyń mádenıet, aqparat, sport jáne jastar saıasaty mınıstrligi el aýmaǵynda TikTok-ty buǵattaý jóninde sheshim qabyldady. Sheshim odan ári júzege asyrý úshin Tsıfrlyq damý mınıstrligine jiberildi, dep habarlaıdy QazAqparat vedomstvoǵa silteme jasap.

«Qyrǵyzstanda TikTok áleýmettik jelisin buǵattaý týraly sheshimniń geosaıası astary joq. Bul shara balalardyń adamgershilik tárbıesine teris áser etetin jáne psıhologııasyna zııan keltiretin aqparattan qorǵaýǵa baǵyttalǵan. TikTok áleýmettik jelisinde balalardyń densaýlyǵy men damýyna zııan keltiretin aqparatty shekteý fýnktsııasy joq. Sondaı-aq, ol qoldanbadaǵy aqparatqa qol jetkizý kezinde paıdalanýshylardyń jas sanatyn baqylaýǵa almaıdy. Joǵaryda aıtylǵandardyń negizinde jáne kóptegen ótinishterdi eskere otyryp, Qyrǵyz Respýblıkasynyń Mádenıet, aqparat, sport jáne jastar saıasaty mınıstrligi el aýmaǵynda TikTok qyzmetin toqtatý jóninde sheshim qabyldady», - delingen vedomstvo málimdemesinde.