Qyrǵyz balýandary basymen shege qaqty
ASTANA. 25 mamyr. QazAqparat - Qyrǵyzstanda temirdi tisimen úzip, basymen shege qaqqan balýandar ózara myqtyny anyqtady, dep habarlaıdy baq.kz KTK telearnasyna silteme jasap.
Ásirese Bishkektiń ortalyq alańyna jınalǵan jurttyń tańdaıyn qaqtyrǵan «Tasýatqysh» degen laqap aty bar balýan. Jalǵyz ózi bes avtokólikti buıym qurly kórmeı súırep kete beredi.
Búginde Bishkekte turatyn Nurlan Álisherov jeńil kólik túgili, byltyr tisimen ushaq súıregen bolatyn. Gınnestiń rekordtar kitabyna kirem dep 12 tonnalyq avtobýs pen poıyzdy da tartqan-dy. Búgin jurtshylyq aldyna onyń bir top shákirtteri de shyqty. Shetinen ónerpaz. Biri aǵashqa qaǵylǵan shegeni tisimen sýyrsa, endi biri plastık shólmekti op-ońaı shaınaı salady. Al Nurlannyń ózi jýyq arada qulaǵynyń múmkindigin synap kórmekshi. 35 jastaǵy balýan ekinshi toptaǵy múgedek bolsa da, bul oǵan ǵalamat tásilder jasaýǵa kedergi emes. Aıtýynsha, ǵajaıyp kúsh boıynda ótken jyly paıda bolypty.
