Qyrǵyz azamaty shekaradan zańsyz aqsha ótkizbek bolǵan
ASTANA. QazAqparat - Qazaq-qyrǵyz shekarasynda jarııalanbaǵan valıýtany ótkizbekshi bolǵandardyń joly kesildi. Bul týraly QR UQK Shekara qyzmetiniń baspasóz qyzmetinen habarlady.
«Kordaı» shekaralyq baqylaý bóliminiń baqylaýshylary keden qyzmetkerlerimen birlese otyryp Qazaqstannan «Toıota Estıma» avtomashınasymen ótpekshi bolǵan 42 jastaǵy Qyrǵyz Respýblıkasynyń azamatyn ustady.
Kóligin tekserý kezinde odan jarııalanbaǵan 19 400 AQSh dollary, 112 600 teńge, 3 140 qyrǵyz somy tabyldy.
Qazirgi ýaqytta atalǵan derek boıynsha tekserý ótkizilýde», - dep jazylǵan habarlamada.
