Qyrǵyz azamaty Qazaqstanǵa asa iri kólemde esirtki kirgizbek bolǵan

ASTANA. QazAqparat – Jambyl oblysynda shekara beketinen 10 keliden astam esirtki alyp ótpek bolǵan qyrǵyz azamaty ustaldy. Bul týraly QR Ulttyq qaýipsizdik komıtetinen málim etti, dep habarlaıdy QazAqparat.

«2022 jylǵy 13 qazanda UQK Shekara qyzmeti Jambyl oblysyndaǵy «Qordaı» avtomobıl ótkizý pýnktinde kontrabandalyq esirtkiniń iri partııasyn kirgizý áreketiniń jolyn kesti.

Qyrǵyz Respýblıkasy azamatynyń basqarýyndaǵy kólikti tekserý kezinde 10 kg asa psıhotroptyq zat tabyldy.

Atalǵan fakt boıynsha sotqa deıingi tergep-tekserý júrgizilip jatyr», - delingen QR UQK baspasóz qyzmetiniń habarlamasynda.

Foto: gov.kz