Qyrǵyz azamattary qaza bolǵan dárige biz jaýap bere almaımyz - Tamara Dúısenova

ASTANA. QazAqparat - Qyrǵyz azamattary qaza bolǵan dárige biz jaýap bere almaımyz. Bultýraly búgin Úkimet otyrysynan keıin BAQ ókilderine Densaýlyq saqtaý jáne áleýmettik damý mınıstri Tamara Dúısenova málim etti, dep habarlaıdy.
None
None

Aıta keteıik, Qyrǵyzstan prokýratýrasynyń habarlaýynsha, atalǵan eldiń Densaýlyq saqtaý mınıstrligi janyndaǵy Ftızatrııa ulttyq ortalyǵynyń Qazaqstannyń «Infektsııalarǵa qarsy preparatar ulttyq ortalyǵy» aktsıonerlik qoǵamymen FS-1 dárilik zatyn klınıkalyq synaqtan ótkizýge kelisimshart jasasqan. Osydan keıin olar ókpe aýrýyna shaldyqqan 54 naýqasqa osy dárini bergen. Sonyń saldarynan dári 10 naýqasqa keri áser etse, 2 qyrǵyz azamaty qaza tapqan.

«Jalpy, dúnıejúzinde árbir jeke kásipkerler, jeke dári-dármek shyǵaratyn kásiporyndar ózderiniń jańa preparattaryn shyǵarýy múmkin. Biraq ol preparatty azamattarǵa berý úshin birneshe jyl zerthanalyq, klınıkalyq zertteýler júrgiziledi. Al endi klınıkalyq zertteýler júrgizilgen kezde dárini shyǵaratyn mekeme men dárini klınıkalyq zertteýden ótkizetin mekeme arasynda kelisimshrat bolady. Ol erikti túrdegi shart, árbir klınıkanyń óz sheshimi boıynsha beriledi. Bul eki mekeme ortasyndaǵy qarym-qatynas. ıAǵnı, olar jeke kásipkerlik, jeke mekeme. Sondyqtan biz búgingi tańda jasalynyp jatqan barlyq preparatqa jaýap bermeımiz. Al óz memlekettimizde onda dárini klınıkalyq zertteýden ótkenin, dálel bazasy bar ekendigin tekserip qana alamyz»,- dedi mınıstr.

Onyń aıtýynsha, aǵymdaǵy jyldyń basynda elimizde buqaralyq aqparat quraldarynda atalǵan mekemeniń ózderi shyǵarǵan dári-dármegin Germanııaǵa aparyp kórsetkendigi jóninde aqparat bolǵan.

Сейчас читают