Qyrǵyz aýylsharýashylyq qyzmetkerleri ónimderin tómen baǵaǵa satýda
ASTANA. 28 tamyz. QazAqparat - Qyrǵyzstannyń ońtústiginde baǵbandar injirdi óte tómen baǵaǵa satýda. Jergilikti aýylsharýashylyq qyzmetkerleriniń aıtýynsha, mundaı tómen baǵa kóp jyldan beri bolǵan emes.
Bul týraly Eýrazııa birinshi arnasy habarlaıdy.
Osh oblysyndaǵy injirdiń bir danasynyń baǵasy qazir - úsh-tórt som (9-13 teńge). Bul týraly Kginform habarlady.
Aýylsharýashylyq qyzmetkerleriniń aıtýynsha, injirdiń bıylǵy kúzdik ónimi óte jaqsy boldy. Aýa raıynyń qolaılylyǵy da áser etti. Onyń ústine sońǵy jyldary aýyl turǵyndary injir ósirýmen kóptep aınalysýda.
Aıta ketý kerek, Osh qalasynyń oblystyq ortalyǵynyń ózinde injir eki-úsh ese qymbat turady. Qalaǵa aparar jolda-aq alypsatarlar onyń baǵasyn qymbattatyp jiberedi.
