«Qyrǵı-qabaq soǵysy» termınologııasyn paıdalanýda abaı bolý kerek - jýrnalıst Vladımır Pozner
ASTANA. QazAqparat - AQSh-pen Reseı arasyndaǵy qazirgi jaǵdaı ıdeologııa emes. Búgin Astanadaǵy 12-shi Eýrazııalyq medıa forým barysynda reseılik «Birinshi arnanyń» telejúrgizýshisi, jýrnalıst Vladımır Pozner osylaı aıtty.
«Bizdiń kópshiligimiz «qyrǵı-qabaq soǵysy» jyldarynda er jetip, ómir súrdik. Bul kezeń qaýipti boldy. Eki qarsylas taraptarda ıadrolyq qarýdyń bolýy faktisinen abyroı bolǵanda, qaqtyǵys oryn alǵan joq, sondaı-aq eki el bir-birine shabýyl jasamaı, sol kezde bir-birin tejeý áseri boldy. Búginde taǵy da «qyrǵı-qabaq soǵysy» jaıynda sóz qozǵala bastady. Men bul turǵydaǵy termınologııamen abaı bolý kerek ekenin aıtqym keledi. «Qyrǵı-qabaq soǵysy» ıdeologııa nátıjesi boldy. Álemdegi aqyl men parasattylyqtyń tartysy júrip jatty», - dep toqtaldy V.Pozner.
Onyń sózine qaraǵanda, búginde AQSh pen Reseı arasynda qarqyn alyp kele jatqan kúrdeli ahýal qalyptasýda. «Alaıda, bul ıdeologııa emes. Ony múldem basqa máselege jatqyzýǵa bolady. Burynǵy «qyrǵı-qabaq soǵysy» kezeńinde álem elderi taraptardyń birine nemese ekinshisine qaraı jaqtasqan edi. Qazirgi kezdegi jaǵdaıdy osylaı baǵalaýǵa kelmeıdi. Búginde kóptegen elder «árqaısysy ózi úshin» dep aıtady. Máselen, Qytaı, Úndistan, Brazılııa, Argentına eshkimge jaqtaspaı, óz múddelerine qaraı jumys istep jatyr. Osy oraıda jalǵastyra bersek, biryńǵaı maıdan shepteri joq ekenin baıqaımyz», - dedi V.Pozner.
