"Qyrǵı qabaq» soǵys jaıyndaǵy álemdik bestseller qazaq tilinde shyqty
Qazirgi álem tarıhyndaǵy eń aýyr kezeńderdiń biri - otyz jylǵa jýyq ýaqytqa sozylǵan KSRO men Batys arasyndaǵy teketires ekeni belgili. «Qyrǵı qabaq» atalatyn osy kezeń sýretteletin bul kitaptyń qazaq tiline aýdarylýy - qazaq tilindegi sapaly kitaptardyń bazasyn tolyqtyrýǵa áserin tıgizedi.
Avtor bul kitapta jýrnalıst, saıasattanýshy, tarıhshy retinde jumys istegen. Kitapta qyrǵı-qabaq soǵysy kezeńindegi Berlın qabyrǵasynyń qurylysyna qatysty oqıǵalar men saıasatkerler kórinisin sýrettegen. Buryn qupııa bop sanalyp kelgen amerıkalyq, Keńes Odaǵy jáne nemis qujattarynyń aqparattary paıdalanylǵan.
F.Kemptiń eńbegi álemdik tarıhta mańyzdy sheshim qabyldar kezdegi elder aldyndaǵy synaqtar, kóshbasshylardyń jeke qasıetteriniń álemdik máselelerge áser etetinin kórsetedi.
Aqparat úshin:
Frederık Kemp - amerıkalyq jýrnalıst jáne saıasattanýshy. Bedeldi «Wall Street Journal» basylymynda 25 jyl jumys istegen. Tilshi jáne redaktor retinde halyqaralyq tanymaldylyqqa ıe boldy. Tilshi retinde Shyǵys Eýropa, AQSh, Aýǵanstan, Irak jáne 1980-jyldary Lıvandaǵy aıtýly oqıǵalardyń arasynda júrip, aqparat bergen. Ári Panamadaǵy AQSh-tyń basyp kirýi kezeńinen aqparat taratqan. Germanııanyń birigýi, keńestik kommýnızmniń kúıreýin baıandaǵan.
1991 jyldyń 1 jeltoqsanynan beri «Atlantıkalyq keńes» bas dırektory jáne prezıdenti qyzmetin atqarady. Ol basqarǵan «Atlantıkalyq keńes» biraz jetistikke jetti. Qyzmetkerler sany artyp, halyqaralyq qaýipsizdik, bıznes pen ekonomıka, energetıka men qorshaǵan orta sekildi salalardaǵy óz yqpalyn arttyrdy.
