Kyrchyn shatqalynda Dúnıejúzilik kóshpendiler oıynyna arnalǵan kıiz úıler sý astynda qaldy
ASTANA. QazAqparat - Kyrchyn shatqalynda ІІ Dúnıejúzilik kóshpendiler oıynyna arnalyp qurylǵan 20 kıiz úıdi sý basty.
Bul týraly jumada KırTAG Qyrǵyzstan TJM baspasóz qyzmeti silteme jasap habarlady.
«Búgin, 2 qyrkúıekte, saǵat 14:20-da Dúnıejúzilik kóshpendiler oıyny ótetin Kyrchyn jaılaýynda qatty nóser jaýyp, saldarynan 20 kıiz úıdi sý basty», - delingen habarlamada.
Jergilikti turǵyndar jáne TJM 50 qutqarýshysy tazalaý jumystaryn júrgizýde.
Eske salsaq, Dúnıejúzilik kóshpendiler oıyny Ystyqkólde 1-8 qyrkúıek aralyǵynda ótedi.
