Qyraǵylyqty bir sátke de joǵaltýǵa bolmaıdy: Jeńis Qasymbek sý tasqyny jaıly

QARAǴANDY. QazAqparat – Qaraǵandy oblysynda kúnniń kúrt jylynýynyń saldarynan sý tasqyny qaýpi kúsheıdi, dep habarlaıdy QazAqparat tilshisi.
None
None

Óńir basshysy Jeńis Qasymbek qaramaǵyndaǵy qyzmetkerlerdi «bosańsymaýǵa» shaqyrdy jáne barlyq táýekelderge aldyn ala áreket etýdi talap etti.

«Bir sátke de qyraǵylyqty joǵaltýǵa bolmaıdy. Arnaıy jaýyngerlik ázirlik rejımi bolýy kerek. Qalalar men aýdandardyń ákimderi sý tasqynynyń ótýin baqylaýdy kúsheıtsin. Adamdardy ýaqtyly habardar etý jáne táýekelder týyndaǵan jaǵdaıda qajetti sharalardy qabyldaý kerek. Ózenderde keptelisterdi boldyrmaý úshin muzdy buzý boıynsha is-sharalardy ýaqytynda ótkizý qajet. Avtomobıl joldaryn sý basý qaýpi týyndaǵan kezde jedel sharalar qabyldaý, kólik qatynasyn qamtamasyz etý kerek», - dedi oblys ákimi onlaın rejımde ótken apparattyq keńeste.

Barlyq iri sý qoımalarynda táýlik boıy baqylaý úshin ýaqytsha beketter qoıylýy

tıis.


Oblystyq TJD málimetinshe, 7-11 sáýir aralyǵynda avtojoldarda 15 sý tasqyny oqıǵasy oryn alǵan. Nura aýdanynda úsh ýchaskede qozǵalys toqtatyldy, olardyń ekeýi áli de jabyq kúıinde qalyp otyr.

«Temir joldardy tasqyn sý shaıyp ketý, turǵyn úılerdi, nysandardy sý basý faktileri tirkelgen joq. Nura kentinde Qundyzdy ózenindegi muz keptelisi joıyldy. Qorǵanys biligi nyǵaıtyldy. Nura aýdanynda Qon ózeni sýynyń arnadan asýy múmkin bóliginde Nyǵman jáne ishinara Aqtúbek aýyldary qalady. Qorǵanys sharalary aldyn ala júrgizildi. Eldi mekenderge qaýip joq. Turǵyndardy qamtamasyz etý úshin azyq-túlik pen dári-dármek qory jasaqtaldy», - dedi TJD bastyǵy Murat Qatpanov.

Onyń aıtýynsha, Nura aýdanynda habar-osharsyz joǵalǵan er adamdy izdeý jalǵasýda. Onyń kóligi sýdan shyǵaryldy.

«Baıqadam» jáne «Mınkovka» bógetteriniń tolyp ketý qaýpi joıyldy.

Ózenderdiń ulǵaıýyn eskere otyryp, Samarqand jáne Yntymaq sý qoımalarynan

sý aǵyzý júzege asyrylady.

Gıdrologııalyq boljamdarǵa sáıkes ózenderdegi sý deńgeıi áli de kóterilýi múmkin.

Osy aptada oblysta aýa-raıy 20-23 gradýsqa deıin jylynady dep kútilýde, al aıdyń ekinshi jartysynda sınoptıkter jaýyn-shashyn, keı jerlerde qar jaýady dep boljap otyr.


Сейчас читают