Qyraǵylyq tanytqan Almaty turǵyny uryny ustaýǵa kómektesti
ALMATY. QazAqparat - Almaty polıtsııasy áleýmettik jelide jarııalanǵan vıdeo arqyly uryny ustady, dep habarlaıdy Qazaqparat tilshisi.
Qalalyq Polıtsııa departamentiniń baspasóz qyzmeti habarlaǵandaı, ury bóten adamnyń kóligin tonamaq bolǵan. Sol sátte qasynan ótip bara jatqan er adam onyń áreketinen kúdiktenip, vıdeoǵa túsirip alady.
"Vıdeony zertteı kele polıtsııa urynyń kim ekenin anyqtady. 43 jastaǵy er adam bunyń aldynda da urlyq jasap, isti bolǵan. Atalǵan derek boıynsha Almaly aýdany polıtsııa basqarmasy QR QK 188-babymen tergeý jumystaryn júrgizýde",- dedi departament basqarmasynyń basshysy Esen Ysqaqov.
Almaty polıtsııasy azamattyq pozıtsııasyn bildirgen er adamǵa alǵys aıtty.
