Qyraǵy óskemendikter úıdiń kireberisindegi kúdikti sómke týraly habarlady
ÓSKEMEN. QazAqparat - Búgin Óskemende 102-ge Jeńis dańǵylyndaǵy turǵyn úıde kúdikti sómke bar ekendigi týraly habarlama kelip túsken. Osyǵan baılanysty polıtsııa úıdi qorshap aldy, dep habarlaıdy «QazAqparat» HAA tilshisi.
Shyǵys Qazaqstan oblystyq ІІD habarlaǵandaı, kezekshilik bólimine turǵyn úıdegi kireberisterdiń biriniń turǵyny 4-qabatta qaldyrylǵan sómke týraly aqparat bergen.
Saperlik top jumys jasap jatqanda 30 turǵyn evakýatsııalandy. Keıin anyqtalǵandaı, sómkeniń ishinde tek gazetter bolǵan.
Bul «kúdikti sómke» týraly kelip túsken birinshi habarlama emes, dedi departamenttegiler. Qala turǵyndarynyń ańǵarympazdyǵy eki ese artty, ásirese álem boıynsha bolyp jatqan lańkestik áreketter alańdatpaı qoımady, dep atap ótti polıtsııada. «Biz qala turǵyndarynan kelip túsken ár úreıli qońyraýmen jumys jasaýymyz kerek, dedi baspasóz qyzmetiniń basshysy Baqytjan Torǵaev. - Turǵyndar jedel qyzmetkerler men saperler kúdikti zatty tekserip jatqanda, sabyrlylyqpen syrtta kútýi kerek».
