Kerlıngten áıelder quramasy aıqyn basymdyqpen jeńiske jetti

ASTANA. KAZINFORM –  Kerlıngten Qazaqstan áıelder quramasy Harbındegi qysqy Azııa oıyndarynda Qytaıdyń Taıpeıinen basym tústi.

Esep: 14-0. Komanda sapynda Tylsymaı Allııarova, Mereı Tastemir, Angelına Ebaýer, Ekaterına Kolyhalova, Regına Ebaýer óner kórsetti.

Aıta keteıik, áıelder quramasy osyǵan deıin Beıjiń Olımpıadasynyń kúmis júldegeri Japonııaǵa jol bergen.

Endi búgin Astana ýaqytymen 16:00-de elimizdiń áıelder quramasy men jarys qojaıyny Qytaı 7-sessııada kezdesedi.

Al erteń Fılıppın jáne Qatar quramasy qarsylas bolady. Qatar ótken matchta Qytaı Qatardan, al Japonııa Fılıppınnen basym tústi.

Búgin Qazaqstan sportshylary Qytaıdyń Harbın qalasynda ótip jatqan IX qysqy Azııa oıyndarynda tórt sport túrinen synǵa túsedi.