Kerlıng: Qazaqstan komandasy álem chempıonatyna irikteý týrnırinde taǵy jeńiske jetti
ASTANA. KAZINFORM - Shotlandııanyń Aberdın qalasynda erler arasynda kerlıngten álem chempıonatyna irikteý týrnıri jalǵasyp jatyr, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Qazaqstan erler quramasy úshinshi oıynda Aýstrııamen sheberlik baıqasyp, 7-4 esebimen basym tústi. Komanda sapynda Abylaıhan Júzbaı, Ádil Jumaǵoja, Aıdos Allııar, Madııar Qorabaev pen Dmıtrıı Garagýl óner kórsetedi.
Aıta keteıik, osyǵan deıin Ulttyq qurama alǵashqy matchta Danııany jeńse (5-3), keıin Túrkııamen oınap, ese jiberdi (3-6). Alda A tobynda Qazaqstan Norvegııa, Ispanııa, Meksıka jáne Gonkong quramasymen kezdesedi.
Іrikteý týrnıri nátıjesinde 16 quramanyń arasynan altaýy 2027 jyly ótetin álem chempıonatyna joldama alady.
Osyǵan deıin Qazaqstannyń 15 konkıshisi álem kýbogynda el namysyn qorǵaıtynyn jazdyq.