Qymyz mektep oqýshylarynyń as mázirine enedi

Onyń aıtýynsha, jaqynda ulttyq taǵam túrleri balalar máziriniń negizgi taǵamyna aınalady.

«Halyqtyń arasynda banan, kıvı sııaqty ekzotıkalyq taǵam túrleri adam densaýlyǵyna paıdaly degen stereotıp qalyptasqan. Alaıda, birqatar zertteýlerdiń nátıjesi kórsetkendeı, qazir Qazaqstanda turatyn balalardyń densaýlyǵyna ulttyq taǵam túrleriniń paıdasy kóbirek. Óıtkeni, sútterdiń ishinde tek bıe súti ǵana qaınatylmaıdy. Onyń paıdaly mıneraldary, dárýmenderi joǵalmaıdy. Qazir biz basymdyqty mektep mázirine bıe sútin - qymyzdy engizýge bar kúshimizdi salyp jatyrmyz. Sondaı-aq, olardyń qatarynda irimshik, aıran da bolady. Jaqynda osy másele Qaraǵandy oblysynyń ákimdiginde talqylanady», - dedi Tóregeldi Sharmanov.

Yqylym zamannan beri jylqy baǵyp kele jatsa da, qazir qymyz qazaqtyń ulttyq taǵamy bolsa da, ulttyq brendi dep aıta almaımyz. Óıtkeni, bıe sútin frantsýzdar men nemister áldeqashan patenttep alǵan.

«Osy máseleni biz qaıta kóterip jatyrmyz. Bul jerde biz qymyzdy daıyndaýdyń ózindik tehnologııasyn kórsetip, qorǵaýymyz kerek. Osyǵan baılanysty Úkimet tapsyrma bergen. Osy baǵytta úlken jumys jasap jatyrmyz», - dep qorytyndylady dedi Taǵamtaný akademııasynyń bólim meńgerýshisi Sátbek Musabekov.

Bolashaqta qymyz mektep oqýshylaryna ózgergen túrde jetkiziletin bolady. Óıtkeni, bul jerde barlyq balalardyń talǵam erekshelikteri eskeriledi.