«Qymyz kámpıtke aınaldy»-respýblıkalyq basylymdarǵa sholý

ASTANA. 14 sáýir. QazAqparat - Qazaq aqparat agenttigi respýblıkalyq basylymdarda 14 sáýir, beısenbi kúni shyqqan ózekti materıaldarǵa sholýdy usynady.

***

Elbasy N.Nazarbaev Qazaqstan halqyna arna­ǵan bıylǵy Joldaýynda «Aýyl turǵyndary úshin medıtsına­lyq kómektiń qoljetimdiligin keńeıtýge aıryqsha nazar aýdarý qajet» dep atap kórsetken-di. Mine osy mindet oryndalyp, Aqtóbe oblysynyń aýyl jurtshylyǵyna jedel kómek kórsetetin alǵashqy jyljymaly me­dıtsınalyq keshenge qol jetkizildi. Bul týraly «Egemen Qazaqstan» gazetiniń búgingi sanyndaǵy «Jyljymaly medıtsınalyq keshen jolǵa shyqty» degen maqalada baıandalǵan. «Shymkent qalasyndaǵy «Qaz­medqural» JShS shyǵar­ǵan bul keshenge respýb­lı­ka­lyq bıýdjetten 86 mln. teńge jumsaldy. Mundaǵy hırýr­gııa­lyq, gınekolo­gııalyq, rentgen, tis aýrýlary, kardıologııalyq, ÝZI, jalpy qabyldaý bólme­le­ri men zerthana osy zaman­ǵy medıtsınalyq qon­dyrǵy­lar­men jaraqtan­dy­ryl­ǵan», - dep jazady basylym.

«Keshe keshkilik el óńirlerinde jumys babymen bolyp qaıtqannan keıin Premer-Mınıstr Kárim Másimov tabıǵı jáne tehnogendik sıpattaǵy tótenshe jaǵdaılardy joıý úshin 2011 jylǵa respýblıkalyq bıýdjette qaralǵan Úkimet rezervinen Batys Qazaqstan oblysyna qarjy bólý týraly qaýlyǵa qol qoıdy», - dep jazady «Egemen Qazaqstan» gazeti. Basylymnyń atap ótýinshe, qaýlyǵa sáıkes 870 000 000 mıllıon teńge Tótenshe jaǵdaılar mınıstrligine Batys Qazaqstan oblysy ákimdigimen birlesip, 2011 jyldyń kóktemgi sý tasqy­nynyń tótenshe jaǵdaılaryn joıý­ǵa baılanysty halyqtyń ómir súrýin qamtamasyz etetin nysandarda jóndeý-qalpyna keltirý jumys­taryn júrgizý úshin bólindi.

***

Eýropadan erekshe habar jetti. Belgııalyq belgili kondıter Davıd Maenhaýt qazaqtyń ulttyq sýsyny - qymyzdan shokolad jasap shyǵarypty. Mundaı kámpıtter jylqy beınesinde bezendirilgen eken. Aıryqsha dámdi shokoladqa suranystyń joǵarylyǵy sonshalyq, Davıd tapsyrystaryn oryndap úlgermeı jatqan kórinedi. «Aıqyn» gazetiniń beısenbilik nómirinde «Qymyz kámpıtke aınaldy» degen taqyryppen berilgen maqalanyń súıinshi habary osy.

Qazaq úkimetiniń qataryn tolyqtyryp, «Elbasymyzdyń qolyn uzartyp júrgen tulǵalarymyz kimder?» degen saýal ekiniń birin qyzyqtyrady. Sebebi sol tulǵalar, olardyń el ekonomıkasyn damytýdaǵy sińirip júrgen eńbegi men izdenisteri keıingi tolqyn - jastar úshin baǵdarshamǵa aınalary sózsiz. Osyǵan oraı «Aıqyn» basylymynda «Qazirgi Úkimet quramy qandaı?» degen maqala jarııalandy. «Eń qyzyqty jaıt - qazirgi Úkimet músheleriniń orta jasy 49 jas. 1990 jyldary bul kórsetkish 53 jasty quraǵan edi. ıAǵnı qazaq úkimeti 20 jyldyń ishinde 4 jasqa jasarǵan. Aımaq ákimderiniń jas­tary da sol kórsetkishti mańaı­laı­dy. Senattyń orta jasy - 63, Májilistiń orta jasy - 58», - dep jazady basylym.

«Keshe Májilistiń jalpy otyrysy Mınskidegi lańkestik jarylystan qaza bolǵandardy eske alýdan bastaldy. Sosyn kún tártibindegi zań jobalaryn talqylaýǵa kirispes buryn, májilismender kúni keshe ǵana jańadan jasaqtalǵan atqarýshy bıliktiń ár salasyna baǵyttap 20-dan astam úshbý hattaryn joldady», - dep jazady «Alash aınasy» gazeti. Basylymnyń atap ótýinshe, «Astapyralla» degizgen saýaldy depýtat Baǵıla Baımaǵambetova qaıta taǵaıyndalǵan Premerdiń orynbasary - Indýstrııa jáne jańa tehnologııalar mınıstri Áset Isekeshovtiń atyna joldapty. Saýalǵa negiz bolǵan jaıtqa jáne Parlament qabyrǵasynda kóterilgen basqa da máselelerge qanyqqyńyz kelse, «Jetim balalar týraly zań nege joq?» degen maqala nazaryńyzdan tys qalmasyn.

Osy basylymnyń jazýynsha, qardyń mol túsýi, birneshe kún qatarynan jańbyrdyń jaýýy jáne kúnniń kúrt jylynýy Batys Qazaqstan obysynda tótenshe jaǵdaıdyń oryn alýyna ákep soqqan. Toń áli jibimegendikten, erigen qar sýy men ózen-kólderdiń arnasynan asqan tasqyn qyzyl sý jerge sińbeı, saı-salany saǵalap, jyra-jylǵany jaǵalap, Oral qalasy men Tasqala, Terekti, Bórli, Shyńǵyrlaý, Zelenov, Qaratóbe aýdandaryna qarasty kóptegen eldi mekenderge qaýip tóndirýde. Maqala «Oraldyń jaǵdaıy ońalmaı tur» degen taqyryppen berilgen.

***

«Kazahstanskaıa pravda» gazetiniń jazýynsha, QR Parlamenti Senatynyń Tóraǵasy Qa­sym-Jomart Toqaev jumys babyndaǵy saparmen Nıý-Iorkte bolyp, BUU Bas hatshysy Pan Gı Mýnmen, Bas hatshynyń birinshi orynbasary Asha-Roýz Mıgıromen, Bas hatshynyń Bas Assambleıa isteri jáne konfe­ren­tsııalyq bas­qarý jónindegi oryn­ba­sary Mu­ham­mad Shaabanmen jáne uıymnyń basqa da laýazymdy tulǵalarmen, jaýapty qyz­metkerlerimen kezdesti. Kezdesýler barysynda BUU-nyń Jeneva bóliminiń qyzmeti jáne onyń dúnıejúzilik uıym­nyń shtab-páterimen ózara is-qımyly máseleleri talqylandy