«Qymbat jandar»: Joǵalǵan jandary izdeýge arnalǵan telejoba efırge shyǵady
Jobanyń basty maqsaty - túrli jaǵdaıda jaqyndaryn joǵaltqan keıipkerlerge barynsha qoldaý kórsetip, tıisti mekemelerdiń tikeleı kómegimen habar alýǵa qolushyn berý.
«Qazaqstanda sońǵy 5 jylda 13 myń adam iz-túzsiz ketken. Elimizde aı saıyn 220 adam jaqyndarynan alystaıdy. Bul - kóńilge kirbiń uıalatatyn statıstıka. Іz-túzsiz joǵalǵan ár adamnyń taǵdyry da ár qıly. Keı adam ashý ústinde jaqyndarynan baz keship, otbasynan ketip qalsa da, arada kóp jyl ótken soń qaıta tabysqysy keledi. Bizdiń maqsatymyz - sol jandardyń otbasyna oralýyna járdemdesý. «Qymbat jandar» - taǵdyrdyń jazýymen bir-birinen qol úzip qalǵandardy qaýyshtyratyn alań. Qazirdiń ózinde redaktsııaǵa túrli hattar kelip túsýde. Eń ókinishtisi, olardyń arasynda anasynan ajyrap qalǵan balalar bar», - deıdi baǵdarlama júrgizýshisi Qymbat Dosjan.
Qazaqstandyqtar baǵdarlamaǵa +77075355383 WhatsApp nómiri boıynsha nemese qymbat_jandar@kaztrk.kz elektrondy poshtasy arqyly óz oqıǵasyn joldaı alady.
Joba Ulttyq arnadan 27 qyrkúıekten bastap ár jeksenbi kúni saǵat 12:00-de efırge shyǵady.
