Qymbat djıp minetin pavlodarlyqtar memleketke 45 mln teńge qaryz
ASTANA. QazAqparat - Qomaqty qaryzy bar avtokólikterge «Salyq tólemegeni úshin aıyp turaǵyna kirgiziledi» degen banner ornatyldy, dep habarlaıdy pavlodarnews.kz.
Qalalyq memlekettik kiris basqarmasy jergilikti polıtsııa qyzmetimen birlese salyq tóleýden jaltaryp, bereshegi jınalyp qalǵan avtokólik ıelerin anyqtaý boıynsha reıd ótkizdi. Olardyń kóbisi úsh myń tekshe santımetr kólemnen úlken qozǵaltqyshy bar qymbat krossoverler bolyp shyqty. Mundaı kólikterdiń 200-i qazirgi kezde shahar kóshelerinde júıtkip júr. Qalalyq memlekettik kiris basqarmasy jeke tulǵalardyń aqparatyn qabyldaý jáne óńdeý ortalyǵy bóliminiń basshysy Maqsut Qańtarbaev salyq tóleýdi ýaqtyly jáne erikti túrde júzege asyrýǵa shaqyrdy.
«Qaryzy bar azamattardyń kóbi qozǵaltqysh kólemi úlken kólikteri bar avtokólik ıeleri ekendigin anyqtadyq», - deıdi Maqsut Qańtarbaev. - Ondaı kólik ıeleriniń jalpy memleketke bereshegi 45 mıllıon teńgeden asyp ketti. Osy somalar qala bıýdjetine quıylýy tıis. Sol sebepti azamattarymyzdy salyq boıynsha qaryzdaryn óz erkimen tóleýge shaqyramyz. Óz mindetterin óteýden jaltaratyn salyq tóleýshilerdi ne kútetinin reıd kórsetti. Salyqshylar polıtseılermen birlese shahar kóshelerimen ótip bara jatqan djıpterdi toqtatyp, sol jerde málimetter bazasynan olardyń salyq tólegen-tólemegenderin anyqtady. Nátıjesinde Lexus LX4700 kóligi ıesiniń salyq tólemegeni belgili boldy.
Djıp ıesi eki jyl ishinde memleketke 650 myń teńge kóleminde salyq tólemeı kelgen. Avtomobıldiń eki jaǵyna «Salyq tólemegeni úshin aıyp turaǵyna kirgiziledi» degen banner ornatyldy. Sonan soń jurtqa kórinetindeı.
