Qymbat býtıkterden kıim urlap, bazarda satqan erli-zaıypty ustaldy

NUR-SULTAN. QazAqparat - Elordalyq polıtseıler saýda úılerinen qymbat kıim urlady degen kúdikpen jas erli-zaıyptyny ustady, dep habarlaıdy QazAqparat qalalyq polıtsııa departamentine silteme jasap.

Tergeý barysynda polıtsııa erli-zaıyptylardyń kúndizgi ýaqytta saýda-oıyn-saýyq ortalyǵynda bolǵanyn jáne áıelder men erlerge arnalǵan qymbat kıimdi tańdaǵanyn anyqtady. Olar arnaıy quralmen kıimniń qorǵanys qurylǵysyn alyp tastaǵan.

«Urlanǵan kıimdi erli-zaıypty bazar mańynda arzan baǵamen satqan jáne keıbirin ózderi kıgen. Qazirgi ýaqytta keltirilgen zalal kólemi anyqtalyp jatyr. Kúdikti dep tanylǵan 29 jastaǵy er adam men 26 jastaǵy onyń áıeli ustaldy. QR Qylmystyq kodeksiniń 188-baby («Urlyq jasaý») boıynsha sotqa deıingi tergeý júrgizilip, elorda aýmaǵyndaǵy ózge de uqsas qylmystarǵa qatysy bar-joǵy anyqtalyp jatyr», - dep habarlady Nur-Sultan qalasynyń polıtsııa departamenti.