Qymbat áshekeılerin satýǵa shyqqan: Maqtaaralda iz-túzsiz ketken áıel jaıly tyń derekter shyqty
Joǵalǵan G.Nardjıgıtovanyń týystarynan suraý barysynda onyń quny 1 mln teńgeden asatyn altyn buıymdardy satýǵa shyqqany anyqtaldy.
Sodan áıeldiń 1 táýlikten astam habar-osharsyz joǵalǵany kúmán týǵyzdy. Sotqa deıingi tergeý bastalyp, jedel-tergeý toby quryldy.
Joǵalǵan áıeldi izdeý sharalaryna oblys polıtseıleri jumyldyryldy.
Onyń ishinde Maqtaaral APB-nyń barsha jeke quramy, kórshi polıtsııa bólimderiniń qyzmetkerleri men jyldam qımyldaıtyn arnaıy jasaqtyń jeke quramy bar.
«Eger sizde joǵalǵan Gúlsim Nardjıgıtova týraly qandaı da bir aqparat bolsa, Maqtaaral APB-ǵa 8-725-41-21-2-02, 8-747-541-62-56 nemese 102 telefondaryna habar berýińizdi suraımyz. Bul fakti Túrkistan oblysy polıtsııa departamenti basshylyǵynyń baqylaýynda» deıdi polıtsııa.
Eske sala keteıik, biz keshe Túrkistan oblysynda 38 jastaǵy kelinshek joǵalyp ketkenin jazǵan edik.
