Qylmystyń aldyn alý úshin polıtsııa kúzet uıymdarynyń resýrstyq bazasyn paıdalanbaq

ASTANA. QazAqparat – Іshki ister mınıstrligi jaýapty organdarmen birlesip, Qoǵamdyq qaýipsizdikti qamtamasyz etý tujyrymdamasynyń jobasyn talqylady. Bul týraly mınıstrliktiń aptalyq brıfınginde vedomstvo ókili Shuǵyla Turlybek aıtty, dep habarlaıdy QazAqparat tilshisi.

«Kezdesýde kóshelerde jáne basqa da qoǵamdyq oryndarda quqyq buzýshylyqtardyń aldyn alý máseleleri qaraldy. Problemalarǵa baǵdarlanǵan taldaý negizinde, onyń ishinde azamattardyń belsendi qatysýymen qyzmet atqarýdyń jańa nysandary men ádisterin engizý talqylandy. Kúzet uıymdary qaýymdastyǵy polıtsııaǵa járdemdesý úshin resýrstyq bazasy bar kúzet uıymdarynyń áleýetin paıdalaný jóninde usynystar engizdi. Sondaı-aq, terrorıstik turǵydan osal obektilerde, onyń ishinde mektepterde qaýipsizdikti kúsheıtý sharalary da umyt qalǵan joq. Ǵımarattardyń dızaıny, landshaft jáne syrtqy orta qylmystyń aldyn alý operatsııalaryn oryndaýǵa kedergi keltirýi múmkin degen boljamdar da qaperge alyndy», - dep málim etti Shuǵyla Turlybek.

Málim bolǵandaı, kezdesý kezinde óńirlerdegi beınebaqylaý kameralarynyń sanyn ulǵaıtý, kóshelerdi jaryqtandyrý jáne demalys oryndarynda qaýipsizdik sharalaryn kúsheıtý máseleleri qaraldy.

Qosa ketsek, ótken apta ishinde elimizde 2 800 qylmys jasalǵan.