Qylmystyq zańnamany izgilendirý aıasynda bas bostandyǵynan aıyrý oryndarynan 1 myń 137 sottalǵandar bosatyldy

Bul týraly búgin Astanada QR Ádilet vıtse-mınıstri Ámirhan Amanbaev málim etti.

Aıta keteıik, bıylǵy 18 qańtarda Memleket basshysy «Qazaqstan Respýblıkasynyń keıbir zańnamalyq aktilerine qylmystyq zańnamany odan ári izgilendirý jáne qylmystyq protsestegi zańdylyqtyń kepildikterin kúsheıtý máseleleri boıynsha ózgerister men tolyqtyrýlar engizý týraly» Zańǵa qol qoıdy

Zań qylmystyq zańnamany yryqtandyrýǵa, qoǵamdyq qaýipsizdikke úlken qaýip týdyrmaıtyn qylmysty dekrımınalızatsııalaýǵa, olardy ákimshilik quqyq buzýshylyq sanatyna aýystyrýǵa, qylmystyń keıbir quramy boıynsha ákimshilik preıýdıtsııa engizý jáne qylmystyq saıasatty izgilendirýge qatysty ózge de máselelerdi sheshýge baǵyttalǵan.

Vıtse-mınıstrdiń sózine qaraǵanda, atalǵan zań boıynsha respýblıka aýmaǵyndaǵy 6 myń 54 adam qamtylyp otyr. Búginde bas bostandyǵynan aıyrý oryndarynan 1 myń 137 azamat bosatyldy. Onyń ishinde 100-i - áıelder. Atap aıtqanda, 400-ge jýyq sottalǵannyń jazaǵa kesilgen merzimi qysqartyldy.