Qylmystyq toptarǵa qoldaý kórsetken memlekettik qyzmetkerlerdi qylmystyq jaýapkershilikke tartatyn zań jobasy jasaqtalýda - ІІM
ASTANA. Qarashanyń 23-i. QazAqparat /Jasulan Amanbaıuly/ - Іshki ister mınıstrligi uıymdasqan qylmysqa qarsy kúresti kúsheıtýdi kózdeıtin zań jobasyn ázirleýde.
Bul týraly búgin jýrnalıstermen bolǵan brıfıngte Іshki ister mınıstrligi Krımınaldyq polıtsııa komıtetiniń tóraǵasy Sultan Kúsetov málim etti, dep habarlaıdy QazAqparat.
Zań jobasynda uıymdasqan qylmystyq toptardyń zańǵa qaıshy áreketteri úshin bas bostandyǵynan aıyrý merzimderin uzartyp, jaýapkershilikti kúsheıtýden bólek, qylmystyq toptarǵa qoldaý kórsetken adamdardy, memlekettik qyzmetkerlerdi jaýapkershilikke tartý máselesi qarastyrylǵan. Sonymen qatar, jastardy uıymdasqan qylmysqa tartqany úshin jaýapkershilik engizilgen.
Zań jobasy quqyq qorǵaý organdarymen qaralýda. Onyń nátıjeleri boıynsha Parlamenttiń qaraýyna jiberiledi.
