Qylmystyq toptar munaı men munaı ónimderin el aýmaǵynan kontrabandalyq jolmen shyǵarýlaryn toqtatar emes
ASTANA. Qazannyń 28-i. QazAqparat /Aıdar Ospanalıev/ - Jyl basynan beri elimizden kontrabandalyq jolmen tasymaldanǵan munaı men munaı ónimderinen memleketke kelgen shyǵyn 2 mıllıard 481,5 mıllıon teńgeni qurady.
Bul týraly búgin Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti, dep habarlaıdy QazAqparat.
Onyń aıtýynsha, Aqtóbe oblysynda «KNPZ-treıd» jaýapkershiligi shekteýli seriktestiginiń basshylary men kedendik baqylaý komıtetiniń qyzmetkerinen qurylǵan qylmystyq top quryqtalǵan. Qylmysy dáleldengen «KNPZ-treıd» JShS-nyń dırektory A.ıAgodkınniń
mal-múlki tárkilenip, 6 jylǵa bas bostandyǵynan aıyryldy. Al S.Ertaev múlki tárkilenip - 4 jylǵa, S.Bekturǵanov 3 jylǵa bas bostandyǵynan aıyryldy. Kedendik baqylaý komıtetiniń ókili Z.Maǵzom 4 jyl abaqtyda otyrady. «Atalǵan azamattardyń barlyǵy sybaılasyp, munaıdy kontrabandalyq jolmen syrtqa tasymaldap, memleketke 558,4 mıllıon teńgege shyǵyn keltirdi», dedi resmı ókil.
Sondaı-aq onyń málimetterine qaraǵanda, Qyzylorda oblysynda «Suńqar 777» JShS-nyń dırektory M.Seısenbaıuly men «NEK NOVA Oıl» JShS-nyń bastyǵy E.Dvýrechınskıı 3 jylǵa bas bostandyǵynan aıyryldy. Olar qylmystyq jolmen alynǵan shıki munaıdy saqtap, saýdaǵa salǵan. Sonymen qatar, kontrabandalyq jolmen alynǵan 946 tonna shıki munaıdy mazýt retinde memleket aýmaǵynan alyp shyqpaq bolǵan.
