Qylmystyq top jalǵan fırmalar shotynan 3,9 mlrd teńge sheship alǵan

ALMATY. QazAqparat – Almatyda jalǵan fırmalar arqyly aqsha jymqyrýmen aınalysqan qylmystyq top ustaldy. QazAqparat tilshisi bul týraly QR Qarjy mınıstrligi Qarjy mıonıtorıngi komıtetiniń Almaty qalasy boıynsha Ekonomıkalyq zertteýler departamentine silteme jasap habarlaıdy.

Qylmystyq toptyń quramynda qarjy polıtsııasynyń burynǵy qyzmetkeri, ekinshi deńgeıli banktiń basqarýshy qyzmetkerleriniń biri bolǵan. Olar 2017-2019 jyldar aralyǵynda 7 jalǵan fırmanyń bank shottary arqyly 3,9 mlrd teńgeni qolma-qol aqshaǵa aınaldyrǵan.

Qazir 6 kúdikti sot protsesin kútip, qamaýda otyr.

Sonymen qatar, olardyń múlikterine tyıym salyndy.

Atap ótilgendeı, 2019 jyldyń 22 tamyzy - 31 jeltoqsany aralyǵynda Ekonomıkalyq zertteýler departamenti kúmán týdyratyn mámilemen baılanysty 41 isti sotqa jibergen.

Prokýratýra arqyly ekonomıkalyq sotqa 820 aryz berildi. Bul ister boıynsha kúmán týdyratyn kompanııalarmen quny 123 mlrd teńgege mámileler jasalǵan.