Qylmystyq top quryp, reıderlikpen aınalysqan: Eldos Qospaev pen onyń sybaılastary tergelip jatyr

ASTANA. QazAqparat - Qarjylyq monıtorıng agenttigi buǵan deıin halyqaralyq izdeýde bolǵan uıymdasqan qylmystyq top músheleri Eldos Qospaev, Aıdos Qospaev, Aıbek Qospaev, Rýslan Shalın, Oksana Kýdrıashova, Alekseı Kýznetsov, Erlan Imashev ustalyp, sot sheshimimen ýaqytsha ustaý ızolıatoryna qamalǵany týraly habarlaıdy.

Eske salaıyq, qylmystyq top kúsh qoldanyp, qoqan-loqqy jasap, kásipkerlerdiń múlkin basyp alý, sondaı-aq Almaty qalasy men Almaty oblysy aýmaǵynda kóleńkeli kásipkerlikti júzege asyrdy degen kúdikke ilingen.

Reıderlik tárkileý jáne zańsyz áreketterge qatysy bar tulǵalardy anyqtaý boıynsha sotqa deıingi tergeý jalǵasýda.

QR QPK 201-babyna sáıkes ózge de málimetter jarııa etilýge jatpaıdy.

QR Konstıtýtsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.

Osyǵan deıin Soltústik Kıprden Qazaqstanǵa Eldos Kospaev pen ol bastaǵan qylmystyq toptyń 7 múshesi jetkizilgenin jazdyq.