Qylmystyq protsestiń jańa formaty jumystaǵy aıyptaý baǵytyn joıady
Aıta keterligi, búgin QR Bas prokýrory Ǵızat Nurdáýletov pen Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov vedomstvoaralyq keńes ótkizip, qylmystyq protsestiń úsh býyndy modelimen, agenttik qyzmetkerleri men prokýrorlardyń elektrondy formatta protsessýaldyq sheshimderdi kelisýdegi ózara is-qımylymen tanysqan bolatyn.
Іs-shara barysynda elordalyq Sybaılas jemqorlyqqa qarsy qyzmet departamentiniń basshysy Shyńǵys Qabdýla vedomstvo basshylaryn azamattar men memlekettik organdardy qylmystyq aıaǵa tartýdy barynsha azaıtýǵa, basqarýshylyq qatelikterdiń shekten tys krımınalızatsııasyn joıýǵa jáne jumysqa zamanaýı tsıfrlyq tehnologııalardy engizýge jedel-tergeý jumysyn qaıta baǵdarlaý boıynsha qabyldanyp jatqan sharalarmen tanystyrdy.
Óz kezeginde Marat Ahmetjanov úsh býyndy modeldi tolyqqandy engizý jumystaǵy aıyptaý baǵytyn joıýǵa, tergeýshilerdiń is júrgizý qatelikterin boldyrmaýǵa jáne jazanyń bultartpastyǵy qaǵıdatyn saqtaýdy qamtamasyz etýge múmkindik beretinin atap ótti.
Elimizdiń Bas prokýrory men Sybaılas jemqorlyqqa qarsy qyzmettiń basshysy zańdylyqty qamtamasyz etý úshin engizilgen ózgeristerdiń mańyzdylyǵyn, tergeý sapasyn arttyrý men jınalatyn materıaldardyń tolyqtyǵyn qamtamasyz etý boıynsha jumysty odan ári jetildirýdiń mańyzdylyǵyn atap ótti.
Sonymen qatar, M.Ahmetjanov Sybaılas jemqorlyqqa qarsy qyzmet qyzmetkerleriniń nazaryn qylmystyq is júrgizý kodeksiniń talaptaryn múltiksiz saqtaý jáne azamattardyń konstıtýtsııalyq quqyqtaryn buzýǵa jol bermeý qajettigine aýdardy.
