Qylmystyq protsesti odan ári reformalaýda eń mańyzdysy ıdeıalardy sapaly túrde júzege asyrý - Nurmahan Isaev
ALMATY. 3 maýsym. QazAqparat /Erlik Erjanuly/ - Zań jobalaryn ázirleý "tynysh kabınetterde" ótpeýi tıis. Bul búgin Almatyda ótip jatqan «Qylmystyq is júrgizýdi odan ári reformalaý máseleleri jónindegi QR keıbir zańnamalyq aktilerine ózgerister men tolyqtyrýlar engizý týraly» zańnyń jobasyn talqylaýǵa arnalǵan dóńgelek ústel jıynynda aıtyldy.
«Aǵymdaǵy jyldyń aqpan aıynan bastap qoldanystaǵy qylmystyq protsestegi problemalardy qarastyryp, ony tıimdi etýdiń joldaryn talqylaýdamyz. Biz kóterip otyrǵan máseleler ulttyq qylmystyq is júrgizý quqyǵy salasynyń damýynda mańyzdylyǵy zor ekendigine kámil senimdimiz", -deıdi QR Bas Prokýratýrasynyń Tergeý jáne anyqtaý zańdylyǵyn qadaǵalaý departamentiniń bastyǵy Nurmahan Isaev.
Úshinshi dárejeli ádilet keńesshisiniń aıtýynsha, olardyń birqatar usynystary bar. Ol usynystar mynalar: qylmystyq protsesten "tergeýge deıingi tekserý", "qylmystyq isti qozǵaý" uǵymdary, sotqa deıingi tergeý barsynda aıyp taǵý satysynyń alynyp tastalýy qajet; Sotqa deıingi óndiristiń ózin túbegeıli ózgertý kerek. "Tergeýshi", "anyqtaýshy", "tergeý bóliminiń bastyǵy", "anyqtaý bóliminiń bastyǵy", "tergeý organy", "anyqtaý organy" uǵymdarynyń ornyna tek "tergeýshi" uǵymy qoldanylyp, "tergeý organy" jáne "tergeý organynyń bastyǵy" termınderin engizý qajet; Іsti qosymsha tergeýge qaıtarý ınstıtýtyn alyp tastaý, kýágerlerdiń qatysýmyen júrgiziletin tergeý áreketterin qysqartý, yntymaqtastyq týraly protsessýaldyq kelisim ınstıtýtyn engizý kerek.
Ǵalym-quqyqtanýshylardy, zańger-tájirıbeshilerdi bul usnystardy talqylaýǵa belsendi qatysýǵa shaqyrǵan Nurmahan Moldalyulynyń paıymdaýynsha, zań jobalaryn daıyndaý "tynysh kabınetterde" ótpeýi tıis. Onda avtor men bastamashysynyń kim ekendigi emes, eń mańyzdysy kúsh biriktirý arqyly osy ıdeıalardy sapaly túrde júzege asyrý. Bul qylmystyq is júrgizýdi túbegeıli reformalaýǵa múmkindik beredi. Ol úshin qalyptasqan stereotıpterdi buzý qajet.
