Qylmystyq protsesten tergeýshiniń aıyp taǵý ınstıtýty alynyp tastalady - Májilis
ASTANA. QazAqparat - Búgin Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine qylmystyq is júrgizý zańnamasyn jetildirý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.
Atalmysh qujat qoldanystaǵy zańnama normalaryn Qylmystyq is júrgizý kodeksiniń jobasyna sáıkes keltirý, sondaı-aq qylmystyq protsesti odan ári jetildirýge baǵyttalady.
«Іlespe zań jobasyn qabyldaý jańa redaktsııada ázirlengen Qylmystyq is júrgizý kodeksiniń normalaryna sáıkestendiriledi. Sonymen qatar, tergeýge deıingi tekserý, tergeýshiniń aıyp taǵýy, sottyń isti qosymsha tergeýge qaıtarý ınstıtýttary alynyp tastalady. Onyń esesine sotqa deıingi is júrgizý protsesi jetildirilip, tergeýshi men prokýror arasyndaǵy baılanystar pysyqtalady. Jedel-izdestirý qyzmeti men jasyryn tergeý áreketterin júzege asyrý kezinde jeke adamnyń quqyqtary men bostandyqtaryn saqtaý normalary aıqyndalady», - deıdi depýtat Ramazan Sárpekov.
