Qylmystyq qýdalaýdan qashqandardyń 60 paıyzy óz erikterimen keldi - agenttik

NUR-SULTAN. QazAqparat - 2020 jyldyń 1-toqsanynda qylmystyq qýdalaýdan boı tasalap júrgen qazaqstandyqtardyń 60 paıyzy óz erikterimen quqyq qorǵaý organdaryna keldi.

Bul týraly QR Sybaılas jemqorlyqqa qarsy is-qımyl agenttigi Strategııa jáne jedel basqarý departamentiniń basshysy Nurlan Jaqsymbetov aıtty, dep habarlaıdy QazAqparat tilshisi.

«Jumysymyzdyń basty baǵyttarynyń biri - qylmystyq qýdalaýdan jaltaryp júrgen azamattardy izdeý. Bul baǵyt jetildirilip jatyr jáne óziniń tıimdiligin kórsetip otyr. Osy jyldyń 1-toqsanynda ǵana ótken jyldyń dál osyndaı kezeńimen salystyrǵanda 5 ese kóp qylmysker izdestirilip ustaldy», - dedi ol.

Onyń atap ótýinshe, qylmystyq qýdalaýdan jaltaryp júrgen adamdardyń jaqyn týystarymen jáne dostarymen áńgimelestirý túrindegi izdestirý ádisi tıimdiligin kórsetip otyr.

«Ilandyrý, sendirý ádisiniń arqasynda osy jyly izdeýde júrgenderdiń jalpy sanynyń 60 paıyzy óz erikterimen keldi», - dedi Nurlan Jaqsymbetov.