Qylmystyq kodekstiń jańa jobasy ázirlenýde
ASTANA. 24 aqpan. QazAqparat - Qazaqstan Úkimeti Qylmystyq kodekstiń jańa jobasyn ázirleýde. Búgin QR Parlamenti Senatynda «Zańdy tulǵalardyń qylmystyq jaýaptylyǵy: naqty jaǵdaılar jáne problemalar» taqyrybyndaǵy dóńgelek ústel barysynda
Senat tóraǵasynyń orynbasary Aleksandr Sýdın osylaı málim etti.
«Qazirgi tańda Qazaqstan Úkimeti Qylmystyq kodekstiń jáne Qylmystyq-protsessýaldyq kodekstiń jańa jobasyn ázirlep jatyr. Meniń oıymsha, qylmystyń jańa sýbektilerin osy jobaǵa engizgen oryndy. Bul rette zańdy tulǵalardyń qylmystyq jaýaptylyǵy máselesin de osy sheńberde qamtyǵan oryndy», - deıdi A. Sýdın.
Onyń aıtýynsha, zańdy tulǵalardyń qylmystyq jaýaptylyǵyna qatysty jańa normalardy ázirlenip jatqan jobada qamtýdyń tıimdiligi de zor bolmaq. Sondaı-aq, senator zańdy tulǵalardyń qylmystyq jaýaptylyǵyn qamtıtyn zań jobasyna toqtaı kele, Qazaqstannyń zańnamalarynda ondaı azamattyq jáne ákimshilik jaýapkershilikti qarastyratyn áleýettiń áli de sarqylmaǵanyn atap ótti.
