Qylmystyq isterdi sotta qaraý merzimin shekteýge bolmaıdy - Ramazan Sárpekov
ALMATY. 3 maýsym. QazAqparat /Erlik Erjanuly/ - Qylmystyq isterdi sotta qaraý merzimin shekteýge qazir eshqandaı qajettilik joq.
Ony QR Parlament Májilisiniń depýtaty Ramazan Sárpekov búgin Almatyda «Qylmystyq is júrgizýdi odan ári reformalaý máseleleri jónindegi QR keıbir zańnamalyq aktilerine ózgerister men tolyqtyrýlar engizý týraly» zań jobasyn talqylaýǵa arnalǵan dóńgelek ústel jıynynda aıtty.
Parlament Májilisiniń Zań jáne sot-quqyqtyq reforma komıtetiniń múshesi Ramazan Qumarbekulynyń aıtýynsha, qazir kóp jaǵdaıda sot jarııaly túrde ótip jatyr. Búgingi tańda sotqa barǵan azamattardyń qandaı sot protsesin tańdap alatyny olardyń óz quzyrynda. Sondyqtan sotta qylmystyq isterdi qaraýdyń merzimin shekteıtin bolsaq sýdıalardyń qaraýyna usynylǵan ótinish pen shaǵymdar sol qalpynda qalyp qoıady da keıin báribir olardy qaıta qaraýǵa májbúr bolamyz. Sondyqtan bul máseleni zań jobasyn talqylaý barysynda arnaıy qarastyrǵan jón.
