Qylmystyq ister boıynsha óndiristi odan ári ońtaılandyrýǵa baılanysty keshendi sharalardy qabyldaý kerek - Memleket basshysy
ASTANA. Tamyzdyń 17-si. QazAqparat - Qylmystyq ister boıynsha óndiristi odan ári ońtaılandyrýǵa baılanysty keshendi sharalardy qabyldaý kerek. Osyndaı tapsyrmany QR Prezıdenti Nursultan Nazarbaev Aqordada Qazaqstannyń quqyq qorǵaý júıesin reformalaý máselesine arnalǵan keńes barysynda málim etti, dep habarlady QR Prezıdentiniń baspasóz qyzmeti.
«Sonymen qatar, qylmystyq ister boıynsha óndiristi odan ári ońtaılandyrýǵa baılanysty keshendi sharalar qajet jáne onyń jedeldigin arttyrýymyz kerek. Osy sharalardyń aıasynda biz ózimizdiń qylmystyq úderisi sheńberinde «kináni taný týraly kelisim» ınstıtýtynyń zańǵa saı ekendigin túısinemiz», - dedi N.Nazarbaev.
Elbasy atap ótkendeı, bul sharalar qylmystyq isterdi tergeýdegi sózbuıdalyqty azaıtyp, tergeý organdarynyń jumysyn ońtaılandyrýǵa, azamattardyń jaǵdaıyn jeńildetýge múmkindik beredi.
