Qylmystyq is júrgizýdi reformalaýdy talqylaýǵa arnalǵan «dóńgelek ústel» otyrysy ótedi
ASTANA. 1 maýsym. QazAqparat - 2011 jyldyń 3 maýsymynda Almaty qalasynda «Qylmystyq is júrgizýdi odan ári reformalaý máseleleri jónindegi Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» Qazaqstan Respýblıkasy Zańynyń jobasyn talqylaýǵa arnalǵan «dóńgelek ústel» ótedi.
QR Bas prokýratýrasynyń baspasóz qyzmeti habarlaǵandaı, «dóńgelek ústel» jumysyna Prezıdent Ákimshiliginiń qyzmetkerleri, Parlament palatalarynyń depýtattary, Konstıtýtsııalyq Keńes, Joǵarǵy sot, Ulttyq qaýipsizdik komıteti, Ádilet mınıstrligi, Іshki ister mınıstrligi, Ekonomıkalyq qylmysqa jáne sybaılas jemqorlyqqa qarsy kúres agenttiginiń jáne ózge de múddeli memlekettik organdardyń, advokattyq qaýymdastyqtyń, sondaı-aq halyqaralyq jáne úkimettik emes uıymdardyń ókilderi, ǵalymdar qatysady dep kútilýde.
