Qylmystyq is qozǵaý jáne qylmystyq isterdi qysqartýǵa negiz bolatyn mán-jaılardyń bárin negizdep qaıta qaraǵan durys - Ramazan Sárpekov
ATY. 3 maýsym. QazAqparat /Erlik Erjanuly/ - Qylmystyq is qozǵaýda búgingi tańda tirkelgen aryzdardyń basym kópshiligi keri qaıtarylǵan materıaldarǵa baılanysty.
Bul búgin Almatyda ótip jatqan «Qylmystyq is júrgizýdi odan ári reformalaý máseleleri jónindegi QR keıbir zańnamalyq aktilerine ózgerister men tolyqtyrýlar engizý týraly» zańnyń jobasyn talqylaýǵa arnalǵan dóńgelek ústel jıynynda sóz boldy.
«Qylmystyq is qozǵaý jáne qylmystyq isterdi qysqartýǵa negiz bolatyn mán-jaılardyń bárin negizdep qaıta qaraǵan durys shyǵar. Sebebi búgingi tańda tirkelgen aryzdardyń basym kópshiligi keri qaıtarylǵan materıaldarǵa baılanysty bolyp otyr. Sondyqtan qandaı negizdermen sonyń bári qysqaryp qalatynyn qaıta qaraǵan jón shyǵar», - deıdi QR Parlament Májilisiniń depýtaty Ramazan Sárpekov.
Májilistiń zań jáne sot-quqyqtyq reforma komıteti múshesiniń aıtýynsha, aıǵaqtardan bas tartý búgingi kúni jaı ǵana jumysty jeńildetý turǵysynan jasalmaýy tıis. Adamnyń bas bostandyǵy, tintý júrgizý, jeke tekserý, qujat berý máselelerinde odan bas tartýǵa ázir erte. Ol áli de talqylaýǵa jatatyn másele.
