Qylmystyq-atqarý júıesiniń menshigindegi 211 ǵımarat apatty jaǵdaıda tur

ASTANA. QazAqparat – Qazaqstanda qylmystyq-atqarý júıesiniń menshigindegi 1 694 ǵımarattyń 211-i apatty jaǵdaıda tur. Bul másele «Ashyq» NQA portalynda jarııalanǵan Qoǵammen áriptestikte qoǵamdyq qaýipsizdikti qamtamasyz etýdiń 2024-2028 jyldarǵa arnalǵan tujyrymdamasynda kóterilgen, dep habarlaıdy QazAqparat tilshisi.

«Qamaý úılerin salý múmkindigi bolmaǵandyqtan, ol qamaýǵa alý ınstıtýtyn odan ári damytýǵa kedergi bolyp otyr. Polıtsııanyń arnaıy mekemeleriniń 38%-da ustaý jaǵdaılary halyqaralyq standarttardyń eń tómengi talaptaryna da saı kelmeıdi. Qylmystyq-atqarý júıesiniń ǵımarattary men qurylystarynyń tehnıkalyq jaǵdaıy ulttyq zańnamanyń talaptaryna sáıkes emes. Búginde 1 694 ǵımarattyń 211-i apatty jaǵdaıda tur», - dep qazirgi jaǵdaıdaǵy másele kóterilgen tujyrymdamada.

Sonymen birge, qoldanystaǵy polıtsııa ǵımarattardyń 50%-y HІH-HH ǵasyrlarda salynǵan. ІІM málimetine saı, el boıynsha quqyq qorǵaý organdaryn tıesili 225 obekti salý qajet.