Qylmystyq atqarý júıesiniń qyzmetkerleri Ǵazız Baıtasovty eske aldy
KÓKShETAÝ. QazAqparat - Aqmola oblystyq Qylmystyq atqarý júıesi departamentiniń qyzmetkerleri qaza bolǵan áriptesterin eske aldy, dep habarlaıdy QazAqparat tilshisi vedomstvonyń baspasóz qyzmetine silteme jasap.
Búgin, 12 qarashada Aqmola oblystyq Qylmystyq atqarý júıesi departamentiniń ETs-166/25 mekemesinde Ǵazız Baıtasovty eske alý sharasy ótip, onda mekeme qyzmetkerleri qaza bolǵan áriptesterin bir mınýt únsizdikpen eske aldy.
«Polıtsııa kapıtany Ǵazız Baıtasov 2011 jyly Taraz qalasynda bolǵan terrorıstik akti kezinde bandıttermen qaqtyǵysta erlikpen qaza tapty. Ol quqyq qorǵaý organdarynyń ofıtseri mindetine abyroıly boldy», - dep atap ótti Aqmola oblystyq Qylmystyq atqarý júıesi departamentiniń baspasóz qyzmetindegiler.
Aıta keteıik, QR Tuńǵysh Prezıdenti - Ult kóshbasshysy Nursultan Nazarbaevtyń Jarlyǵymen (marqum) Ǵazız Baıtasovqa Halyq Qaharmany ataǵy berilgen bolatyn.
