Qylmystyq-atqarý júıesiniń ardager-áıelderine qurmet kórsetildi
ASTANA. Naýryzdyń 4-i. QazAqparat /Ǵalymjan Hasenov/ - Búgin Ádilet mınıstrliginiń Qylmystyq-atqarý júıesi komıtetinde kóktem merekesi - Halyqaralyq áıelder merekesiniń qurmetine oraılastyrylǵan saltanatty is-shara ótti.
Komıtettiń májilis zalynda ár jyldary elimizdiń penıtentsıarlyq júıesinde eńbek etken 40 shaqty ardager áıelder jınaldy. Olardyń qatarynda Uly Otan soǵysy ardagerleriniń eki jesiri bar, taǵy eki áıel soǵysqa qatysýshylarǵa teńestirilgender.
Komıtet basshylyǵy men Ardagerler keńesi jınalǵan qaýymdy kele jatqan kóktem merekesimen quttyqtap, olarǵa zor densaýlyq jáne baqýattylyq tiledi. Barlyq ardagerge sondaı-aq, materıaldyq kómekter kórsetildi. Al shara sońynda merekelik dastarhan jaıyldy, dep habarlady Qylmystyq-atqarý júıesi komıtetiniń baspasóz qyzmetinen.
