Qylmystyq atqarý júıesinde týberkýlez ben ımmýndyq tapshylyq vırýsy aýrýlarynyń deńgeıin tómendetýge basty nazar aýdarý qajet - N.Nazarbaev
ASTANA. 28 qańtar. QazAqparat /Marlan Jıembaı/ - Qylmystyq atqarý júıesinde týberkýlez ben ımmýndyq tapshylyq vırýsy aýrýlarynyń deńgeıin tómendetýge basty nazar aýdarý qajet.
Bul týraly búgin QR Parlamenti palatalarynyń birlesken otyrysynda Qazaqstan halqyna arnalǵan jyl saıynǵy dástúrli Joldaýynda QR Prezıdenti Nursultan Nazarbaev aıtty.
«Qylmystyq atqarý júıesinde týberkýlez ben ımmýndyq tapshylyq vırýsy aýrýlarynyń jáne sonyń áserinen bolatyn ólim-jitim deńgeıin tómendetýge turaqty nazar aýdarý qajet», - dedi Memleket basshysy.
Bul oraıda Elbasy atalǵan mindetterdi oryndaý nátıjesinde 2015 jylǵa qaraı qazaqstandyqtardyń ómir súrý uzaqtyǵy 70 jasqa deıin, al 2020 jylǵa qaraı 72 jastan joǵarylaıtynyn basa aıtty. «Biz jaqsylap jumys istesek, halyqtyń ómir súrý jasyn odan ári ulǵaıta alamyz dep oılaımyn», - dedi Prezıdent.
N. Nazarbaev óz Joldaýynda 2015 jylǵa qaraı 350 dárigerlik ambýlatorııa, feldsherlik-akýsherlik pýnktter jáne emhanalar salynatynyn atap ótti.
