Qylmystyq-atqarý júıesi mekemelerindegi týberkýlezge shaldyqqan naýqastarǵa jaǵdaıy mamandardy alańdatýda
ASTANA. QazAqparat - JAO-y týberkýlezge qarsy jetkiliksiz is-sharaǵa kóńil bólýi kerek. Bul týraly QR DSÁD mınıstrliginiń baspasóz qyzmeti habarlady. Olardyń aıtýynsha jergilikti atqarý organdardar nazaryn jyldam dıagnostıkalaý qondyrǵylarymen jabdyqtaý, naýqastardy áleýmettik qoldaý, týberkýlezge qarsy birqatar uıymdardyń materıaldyq-tehnıkalyq bazasyn ınfektsııalyq baqylaý talaptaryna sáıkestendirý sııaqty týberkýlezge qarsy is-sharalar kóleminiń jetkiliksiz bolyp otyrǵanyna aýdarý qajet.
Osyǵan baılanysty, shetelderden kelgen mıgranttardy týberkýlezge qarsy preparattarmen qamtamasyz etý, týberkýlezdiń mýltırezıstenttik túrlerine shaldyqqan sottalǵan naýqastardy ekinshi qatardaǵy preparattarmen qamtý jáne ІІM Qylmystyq-atqarý júıesi komıtetiniń týberkýlezge qarsy mekemelerin aýany tazartý júıelerimen jáne aýrýlardy bólek ustaıtyn palatalarmen qamtamasyz etý úshin sharalar qoldanylatyn bolady.
Odan basqa, týberkýlezge qarsy qyzmettiń tósek qoryn qysqartý maqsatynda qarajatty ambýlatorııalyq emdeý deńgeıine baǵyttaý, dıagnostıkalaýdyń jańa ádisterimen, táýekel toptaryn tolyq flıýorografııalyq zertteýlermen qamtamasyz etý boıynsha jumystary atqarylýda.
Qazaqstan jahandyq básekege qabilettilik ındeksinde ustanymyn jaqsartqanymen, týberkýlezdiń dárige tózimdi túrimen syrqattanýshylyq kóleminiń artýy, sondaı-aq, qylmystyq-atqarý júıesi mekemelerindegi týberkýlezge shaldyqqan naýqastarǵa kórsetiletin kómek jaǵdaıy mamandardy alańdatyp otyrǵanyn atap ótý kerek dep habarlaıdy QR DSÁD mınıstrliginiń baspasóz qyzmeti.
Ótken besjyldyq kezeńde áleýmettik máni bar aýrýlardyń taralýshylyǵy men halyq ólim-jitiminiń keıbir kórsetkishteriniń tómendeýi baıqalady. Máselen, týberkýlezden bolǵan syrqattanýshylyq pen ólim-jitim kórsetkishi (100 myń adamǵa shaqqanda tıisinshe 147,3-ten 105,5-ke deıin jáne 20,8-den 12,5-ke deıin) tómendegen. Sonymen qatar osy aýrý boıynsha epıdemıologııalyq jaǵdaı shıelenisken kúıinde qalyp otyr. Básekege qabilettiliktiń jahandyq ındeksiniń reıtınginde Qazaqstan syrqattanýshylyq boıynsha 94-orynda (2007 jyly -130,0 oryn) jáne týberkýlezdiń bızneske áser etýi boıynsha 111 pozıtsııada tur.
Júrgizilip jatqan aýqymdy qurylysqa, «DOTS-plıýs» týberkýlezdi emdeý baǵdarlamasynyń iske asyrylýyna qaramastan, týberkýlezdiń taralýyn, dárige tózimdiliginiń damýyn jáne ólim-jitimdi epıdemıologııalyq qadaǵalaý máseleleri ózekti kúıinde qalyp otyr.
