Qylmystyq-atqarý júıesi mamandarynyń áleýmettik jaǵdaılary kóńil toltyrarlyq emes - Bas prokýrordyń orynbasary
ASTANA. 10 jeltoqsan. QazAqparat /Aıdar Ospanalıev/ - Bas prokýrordyń orynbasary Asqar Sekishovtiń pikirinshe, eldegi sottalǵandardyń qajettilikterin qamtamasyz etý týraly áńgime qozǵaǵanda, qylmystyq-atqarý júıesindegi qyzmetkerlerdi daıyndaý isin de nazardan tys qaldyrýǵa bolmaıdy.
Bul týraly ol búgin Astanada ótken «Quqyq qorǵaý organdaryn reformalaý kezinde qylmystyq - atqarý júıesiniń qyzmetin jetildirý» atty dóńgelek ústel otyrysynda aıtty.
A.Sekishovtyń sózine qaraǵanda, qylmystyq-atqarý júıesinde qyzmet etetin mamandardy daıarlaýmen qatar olardyń áleýmettik jáne materıaldyq qajettilikterin de esten shyǵarmaǵan jón. «Óıtkeni osy sala mamandarynyń qazirgi tańda áleýmettik múmkindikteri qylmystyq-atqarý salasyna biliktiligi joǵary mamandardy tartpaq túgili, olardyń barlarynyń ózin saqtap qalýǵa múmkindik bermeı otyr», - dedi Bas prokýrordyń orynbasary.
