Qylmystyq-atqarý júıesi komıtetiniń ujymy Almaty oblysyndaǵy sý tasqynynan zardap shekkenderge kómek retinde bir kúndik jalaqylaryn aýdardy
ASTANA. Naýryzdyń 30-y. QazAqparat /Ǵalymjan Hasenov/ - Ádilet mınıstrligi Qylmystyq-atqarý júıesi komıtetiniń ortalyq apparat ujymy Almaty oblysyndaǵy sý tasqynynan zardap shekkenderge materıaldyq kómek kórsetý jónindegi aktsııaǵa qoldaý kórsetti.
Bul týraly vedomstvonyń baspasóz qyzmetinen habarlady.
Ujym keńesinde atap kórsetilgendeı, bótenniń qaıǵy-qasireti bolmaıdy, sondyqtan da komıtet qyzmetkerleri Almaty oblysyndaǵy sý tasqynynda zardap shekkenderge kómek qolyn sozyp, shama-sharqynsha kómek kórsetý týraly sheshim qabyldady.
Qaırymdylyq sharany qoldaǵan osyndaı keńester Komıtettiń barlyq óńirdegi vedomstvolary men oqý mekemelerinde ótýde.
