Qylmystyq-atqarý júıesi komıtetiniń elordalyq departamentinde para berýshi ustaldy
ASTANA. 7 sáýir. QazAqparat /Ǵalymjan Hasenov/ - Ádilet mınıstrligi Qylmystyq-atqarý júıesi komıtetiniń elordalyq departamentinde sársenbi, 6 sáýir kúni para berýshi ustaldy, dep habarlady vedomstvonyń baspasóz qyzmetinen.
Qarjy polıtsııasynyń qyzmetkerleri para berýshini bultartpas aıǵaqpen ustaý operatsııasyn Qylmystyq-atqarý júıesi komıtetiniń elordalyq departamenti qyzmetkerlerimen birlesip júrgizdi.
Para berýshi isti bolǵan azamat bolyp shyqty, ol sáıkes tirkeýge kelmeý faktin jasyrý jáne sot taǵaıyndaǵan jazadan jaltarý úshin qylmystyq-atqarý ınspektsııasynyń qyzmetkerine aqshalaı syılyq berý kezinde ustaldy.
Qazir bul fakti boıynsha protsessýaldyq sheshim qabyldaý máselesi sheshilýde.
Bul aǵymdaǵy jyldyń basynan beri tirkelgen osyndaı úshinshi oqıǵa. Qylmystyq-atqarý júıesi qyzmetkerlerine para berýdiń alǵashqy fakti aqpan aıynda Qaraǵandy oblysyndaǵy kolonııalardyń birinde tirkelse, ekinshi oqıǵa - naýryz aıynda elordanyń irgesindegi qonys-kolonııada tirkelgen edi.
