Qylmystyq-atqarý júıesi komıtetiniń akademııasynda otandyq penıtentsıarlyq júıeni ári qaraı reformalaýǵa arnalǵan «dóńgelek ústel» otyrysy ótedi

dep habarlady oqý ornynyń baspasóz qyzmetinen.

Baspasóz qyzmetiniń ókili Tatıana Brylevskaıanyń aıtýynsha, shara «alda quqyq qorǵaý júıesin reformalaý jónindegi úlken jumystar kútip turǵany týraly» aıtylǵan Elbasynyń Joldaýyn júzege asyrý aıasynda ótkizilip otyr.

Otyrysqa sala qyzmetkerleri, akademııanyń oqytýshylary men tyńdaýshylary, «Nur Otan» partııasy fılıalynyń, oblystyq Qoǵamdyq baqylaý keńesiniń, ishki saıasat departamentiniń ókilderi qatysady. Sondaı-aq, sharaǵa buqaralyq aqparat quraldary da shaqyrylyp otyr.

«Dóńgelek ústel» otyrysyna qatysýshylar qylmystyq-atqarý júıesin qaıta qurýdy quqyqtyq retteý máselelerin qaraıdy, osy taqyryp boıynsha júrgizilgen zertteýlerdiń nátıjelerin jáne júıe úshin kadrlyq áleýetter daıyndaý máselelerin talqylaıdy.